• Artigos da colaboradora
• Outros colaboradores
• Perfil da colaboradora

• 
• 
• 
• 
• 

• 
• 
• 

19-10-2013

Non podemos aguantar máis subidas de taxas mentres os salarios baixan, recortan pensións, cae o emprego e deixan que o pouco tecido empresarial morra

Céntimo a céntimo estannos arruinando

ROCÍO GARRIDO CARAMÉS

Non hai moito tempo estaba vendo unha serie que trataba da Idade Media onde para sufragar os gastos dunha guerra inventaban unha nova taxa que o pobo debía asumir a pesar de non ter onde sacarlles máis. Situación moi parecida a que estamos vivindo na actualidade coa salvidade que si antes era para sufragar os gastos dunha guerra agora son para sufragar a mala xestión dun goberno tanto autonómico como o do estado español que só se preocupa por salvar a banca, a igrexa e aos seus.

Dende o 2002 xa se vén aplicando o céntimo sanitario no noso País para o co-pago sanitario e sen embargo a sanidade pública nos últimos anos non só sufriu recortes brutais senón que a están intentando reducir a súa mínima expresión.

Seguindo os datos da Xunta falan dunha recadación duns 50 millóns de euros pero esta cifra non se recada céntimo a céntimo como din senón que a suba do porcentaxe vai ser a máxima posible que se permite por lei, o que supón unha suba total dos carburantes de 4,8 céntimos por litro. Deslousado a suba é de 3,6 céntimos para o gasóleo e de 2,4 céntimos para a gasolina con esta nova aplicación.

Baixo a escusa que no 2014 as transferencias do estado español veranse reducidas necesitan buscar fórmulas de ingreso que para non variar os prexudicados volvemos ser os homes e mulleres que formamos este País. Pero realmente inverten ese 50 millóns en sanidade? En breve imos ter a oportunidade de ver os orzamentos para o 2014 e o recorte que van aplicar en sanidade.

Todas as medidas tomadas neste senso están deteriorando a sanidade pública, un dereito que tiñamos garantido e agora atopámonos que para ter este dereito moitos mozos sen traballo, en paro, sen prestacións e solteiros téñense que declarar “sen recursos” para poder ter aceso a este dereito, ao menos durante dous anos.

Mentres aplican a suba dos carburantes tamén van a aplicar o co-pago dos medicamentos hospitalarios o que vai supoñer que moitos pacientes non teñan acceso as medicacións necesarios para curar ou ben para paliar os efectos das enfermidades. Isto unido a unha poboación galega envellecida coas pensións máis baixas do estado español e que nestes momentos supón as veces o único ingreso en moitos fogares galegos vai a supoñer unha verdadeira traxedia, pero isto non lle interesa velo nin que se vexa reflectido nos medios de comunicación autonómicos que pagamos cos nosos impostos. E non debemos esquecer os recortes en Dependencia que agravarán inda moito máis a situación de moitos enfermos galegos.

Non hai vontade por parte destes gobernantes que se colgan o cartel de populares, pero deberían de colgar o cartel de exclusivos e seres superiores, en aplicar políticas económicas reais para paliar esa falta de ingresos estatais sen ter que exprimir a unha poboación seca. Empezando pola supresión de organismos autonómicos, das deputacións, menos privatizacións e mais aposta polo público, de subvencionar a igrexa,... seguro que non faría falta tantos recortes en sanidade, educación, e dependencia.

Non podemos aguantar máis subidas de taxas mentres os salarios baixan, recortan pensións, cae o emprego e deixan que o pouco tecido empresarial morra mentres só se preocupan polo estado da banca e caixas que mentres estas parece que se van solventando non fan préstamos a emprendedores e as PIMES. Son tempos duros pero e que cada día nolos están poñendo máis duros mentres sen embargo certas personaxes, das de sempre, medran e viven comodamente no que chaman a casa do Pobo (Parlamento) que cada vez é menos do Pobo para ser máis populista.

• 
• 
• 
• 
• 

• Valorar (0)
• 
• 
•