22:29 Domingo, 29 de Xaneiro de 2023
Terra e Tempo. Dixital Galego de pensamento nacionalista.

28-10-2012

Porque sen autoorganización (política, sindical, cultural, social, laboral,…) Galiza non existe

Non caer no desánimo

Valorar (33)

PAZ ABRAIRA SOBRADO


Mnifestación convocada polo BNG no Día da Patria. 25 de xullo de 2012


A pesar de todo o que está pasando, non podemos deixarnos arrastrar polo desánimo porque o BNG é necesario para este país. Se non fose porque a nosa organización política o introduce sempre nos debates, que quedaría de nós. Quen falou de Galiza no Congreso durante o debate dos orzamentos do Estado. Quen introducíu todas e cada unha das claves das nosa urxencias e necesidaes? Evidentemente o BNG. Non o fixeron nin o PP, nin o PSOE nin Izquierda Unida, porque para eles Galiza é España.                    

É máis, no debate parlamentar a nosa deputada Olaia Fernández Davila chamoulles a atención con contundencia a CIU e a Esquerra pola súa actitude ante este País, porque sexa quen sexa o que o ataque, vai recibir a correspondente resposta do BNG.                          

Polo tanto non nos deixemos arrastrar pola melancolía, aínda que coincida coa baixada da luz diurna e das temperaturas, porque o inverno non pode asentarse no noso corpo, no corpo desta organización. O noso maior capital é a militancia, a nosa base social, e por ela, por este país, temos que seguir traballando e mellorando a nosa acción, facendo as correccións necesarias pero sen sacarlle valor ao traballo e decisións tomadas, que son as que axudan a que Galiza siga existindo.                              

Non é agora o momento de botarnos atrás no traballo social., senón todo o contrario. É o momento de situarnos con claridade á fronte dese traballo, individual e colectivamente. Cada tempo político ten as súas peculiaridades, e a pesar de que o que nos toca vivir neste momento non é bon tamén é certo que ten ocos abertos para traballar arreo por este país e polas súas clases populares. aínda que agora nos pesen os recentes resultados.                                

Cada día son máis as mobilizacións. Cada día son máis as reclamacións dos traballadores e traballadoras que ven como se seguen aplicando medidas que só van contra eles. O PP vai levar adiante a súa folla de ruta, que non é outra que máis e máis recortes. E ante iso o BNG, todos e cada un dos seus militantes debemos reaxir con espírito crítico e con forzas renovadas para facerlles fronte na rúa, nas institucións, nos centros de traballo,… A batalla vai ser longa e seguramente decisiva, e de nós depende non dala por perdida de antemán, porque se a damos nos por perdida, quen vai loitar por defender a este país? É necesario estar presente en todo canto debate e dea na rúa, e facerlle ver a xente que as solucións globais non existen, que Galiza só pode existir como tal con capacidade produtiva propia e con capacidade de decisión propia. Non podemos renunciar a autoorganización do noso pobo, aínda que o propio pobo non crea nela. Porque sen autoorganización (política, sindical, cultural, social, laboral,…) Galiza non existe. Só por esa razón é tan necesario o BNG neste momento. Só por esa razón debemos seguir adiante con ánimo crítico e construtivo e co necesario optimismo racional que nos fai andar cada día.


[29-10-2012 20:38] manoel lourido comentou:

Dende logo se non defendemos os galegos a galiza ninguen o vai facer,pero compañeira Paz os galegos somos todos e non soio os do BNG ,por iso penso que hoxe e mais necesario que nunca unha organizacion galega que sexa o mas ampla posible na que poidan estar todo-as que pensen en galiza como nazon, non esquenzas que a crise sofrena o 99% dos galegos xa sexan de dereitas ou de esquerdas.Animo e a traballar que todos somos necesarios ainda que ninguen e imprescindible.

[29-10-2012 17:55] Xurxo comentou:

O camiño está ben claro, chámase Allariz en cada cancello de Galiza, e para iso compre moito traballo día a día na rúa, nas asociacións de veciños, culturais e institucionalmente nos concellos. en definitiva asembleas do BNG fortes e ben organizadas en todos os concellos de Galiza, so así se poden mudar as cousas, fican 2 anos para as municipais, a que esperamos?.

[28-10-2012 23:48] Xosé Antón comentou:

Non debemos estar desilusionados nin contrariados polos resultados do 21 de outubro, porque os procesos electorais son como son e amosan con moita amplitude o comportamento e o pensamento político da sociedade pero só na propia xornada de votación (coido que por iso, polas dúbidas dos/das votante e polos cambios nas súas intencións de voto, as enquisas previas non acertan os resultados definitivos) , e o verdadeiramente importante após moitos anos da loita e o traballo do BNG tanto político como institucional é se temos ou non unha ferramenta consolidada e ao servizo do Pais e desta marabillosa Terra, e non seria xusto nin realista que pensáramos que non. Todos os aspectos errados ou que haxa que modificar, poden ser valorados e corrixidos a tempo, sen presas pero sen pausa.

Engade o teu comentario:

Os campos marcados con* son obrigatorios.







© Fundación Bautista Álvarez de Estudos Nacionalistas
Terra e Tempo (ISSN 1575-5517)
Avenida de Lugo, 219, 1º, 15703 • Santiago de Compostela • Galiza
981 57 02 65 – info#code#terraetempo#code#gal

A Fundación recibiu unha axuda da Deputación da Coruña na convocatoria de 2018 para a mellora da utilidade de páxina web. Deputación da Coruña