14:59 Mércores, 08 de Febreiro de 2023
Terra e Tempo. Dixital Galego de pensamento nacionalista.

26-02-2011

Vendese monte vecial: perguntar polo Director Xeral de Montes a calquera hora

Que fai o Director Xeral de Montes ante esta situación?

Valorar (13)

XOSÉ ALFREDO PEREIRA MARTÍNEZ



Este cartaz, polo de ágora virtual, na espera da nova lei de montes veciñais en mao común, que vai a proceder a súa privatización, atopase na fachada do edificio da Dirección Xeral de Montes. E certo que, polo de agora, o cartaz, conten unha mensaxe sublimal. Mais, esta mensaxe, xa foi captada, por algúns membros da xudicatura da provincia de Lugo, e polas empresas de aproveitamento de biomasa forestal para a produción enerxética.

De un tempo para acó, membros da xudicatura da provincia de Lugo, están a ditar sentenzas (malditas), contra os montes veciñais en mao común. Sentenzas ditadas, saltandose pola borda, dúas das principais caracteristicas dos montes veciñais: a imprescritibilidade (o monte veciñal, e veciñal dende tempos imemoriais), e a inalienabilidade (o monte veciñal, non pode ser ocupado).

Con estes planteamentos, os membros da xudicatura da provincia de Lugo, por descoñocimento ou por mala fe, están a desnaturalizar os montes veciñais en mao común, e xa que logo a facilitar a súa privatización. Con estas sentezas (malditas), están roubandolle os montes veciñais aos seus lexítimos titulares e entregandollos  aos intereses particulares. E o que, se cadra, aínda é mais grave, xudicialmente falando. Están a revisar de "facto e con caracter retroactivo", as declaracións de monte veciñal dos xurados provinciais de clasificación.

De un tempo a esta parte, están brotando polo medio rural, tal como se fosen malas herbas, un sen fin de empresas de aproveitamento da biomasa forestal para a producción enerxética. Os contratos que lles fan chegar as comunidades de montes, non son realmente para o aproveitamento da biomasa forestal, que podería ser válido. Son para usurparlles os montes veciñais os veciños e veciñas comuneiros. Estas empresas, aproveitanse, descaradamente, da febleza organizativa de algunhas comunidades de montes e do abandono do medio rural.

Estes contratos para o aproveitamento da biomasa forestal, que as empresas lle presentan as comunidades de montes, parten de unha falsa xustificación e dun engado. A falsa xustificación consiste en afirmar que a existencia da biomasa forestal nos montes provoca os lumes forestais (o que fai e facilitar a súa propagación). O engado consiste en manifestar que a retirada da biomasa forestal non terá custe para as comunidades de montes (mais, tampouco lle poñen valor a un produto, que no mercado si que ten valor). A retirada da biomasa forestal, un aproveitamento do monte, saelle de balde as empresas.O negocio a conta do monte veciñal e xa que logo, redondo.

O fin dos contratos que presentan as empresas para o aproveitamento da biomasa forestal, non consiste en retirar a biomasa forestal residual producida nos traballos de silvicultura e de restos de cortas de madeira, derivadas do definido nos Plans de Ordenación e dos plans técnicos de xestión dos montes. O fin, e así queda escrito, consiste en que as empresas, outorgase a capacidade absoluta, sen contar coa opinión das comunidades de montes, de proceder a plantar cultivos enerxéticos en calquera lugar do monte veciñal. Nestes cultivos enerxéticos (plantar para en  4/5 anos, cortar para queimar), e onde está o negocio para as empresas. Este monocultivo forestal, ademais de desvalorar económico e medioambientalmente aos
montes, si que provoca lumes forestais e non a existencia de mais ou menos biomasa forestal nos montes.

E por se a usurpación dos montes veciñais en man común, non quedase clara, sitúan unha cláusula que di: "A empresa autorizará aos comuneiros para que poidan seguir usando o monte para consumo proprio". E decir, unha empresa e beneficiaria da cesión de un aproveitamento do monte veciñal e convertese en dona do monte; e como aínda e boa, permítelle usar o monte veciñal aos seus lexítimos titulares. E decir, rouban o monte veciñal e aínda hai que darlle as grazas, porque son xenerosos.

Certos membros da xudicatura privatizan montes veciñais. Empresas de aproveitamento da biomasa forestal usurpan montes veciñais. A lei de montes veciñais en mao común, actualmente vixente, di que a Consellaría do Medio Rural, ten que velar pola integridade do monte veciñal, que fai o Director Xeral de Montes ante esta situación?. Pois asubía e estende a mao para recoller as felicitacións dos intereses económicos, urbanísticos e especulativos, seguramente dadas en sobres pechados.

Ante esta agresión ao monte veciñal en mao común, as comunidades de montes, non podemos ficar paradas. Temos que berrar forte e mobilizarnos. Se cadra, a primeira mobilización podería ser a asistencia a Asemblea Xeral da Orgaccmm, que terá lugar o día 12 de Marzo no concello de Porto do Son. Unha asemblea onde se acordaran as medidas necesarias para parar esta agresión ao monte veciñal, ao medio rural e xa que logo ao Pais.

Engade o teu comentario:

Os campos marcados con* son obrigatorios.







© Fundación Bautista Álvarez de Estudos Nacionalistas
Terra e Tempo (ISSN 1575-5517)
Avenida de Lugo, 219, 1º, 15703 • Santiago de Compostela • Galiza
981 57 02 65 – info#code#terraetempo#code#gal

A Fundación recibiu unha axuda da Deputación da Coruña na convocatoria de 2018 para a mellora da utilidade de páxina web. Deputación da Coruña